Sa Consulta de is giòvunus de Crabas tenint su logu cosa suu. Su cuncursu dd'at bintu Elio Pinna, 23 annus, laureau de pagu in Design de is produtus industrialis a su Politècnicu de Milanu. Pinna est arribau segundu in sa votatzioni fata in is canalis social cun 212 votus, e at bintu gràtzias a sa votatzioni de sa Consulta cun 6 votus de dexi.
“Immoi teneus una figura chi si arrapresentat - at nau cun prexu su presidenti de sa Consulta Giuseppe Sanna (27 annus) a s'incras de sa votatzioni. - . Torraus gràtzias a su bincidori e a is àterus duus chi ant pigau parti. Credeus meda in s'atividadid de sa Consulta, e teni una immàgini chi si identìficat e chi portat aintru unu acàpiu cun su territòriu nostu est unu puntu de partèntzia chi ammanniat sa gana nosta de fai”.
De pagu eus finas fatu una modìfica a su regulamentu de sa
Consulta, passendi s'edadi de is partetzipantis de 30 a 35 annus. Eus ritènniu de torrai sceda a sa rechesta presentada de is piciocheddus e custu est sutzèdiu in sa setziada de Consillu
Comunali de su 27 de onnisanti, at nau sa Consillera cun dèlega a is Polìticas de is Giòvunus Laura Celletti -.
Su segundu arribau (240 votus in is canalis social, 3 votus de sa
Consulta) est Giancarlo Sanna, cun unu disènniu chi arrapresentat su Giganti de Mont’e Prama e asuta unu gravellu arrùbiu, unu sinnu de sa festa de santu Sarbadori. Su de tres est invècias (97
votus in is social e 1 de sa Consulta) Matteo Piras, chi at rapresentau unu tretu de Crabas.