Su 30 de su mesi de idas scàdint is tèrminis po intregai is dimandas po su Bonu sotziali ìdricu integrativu.
Su Bonu est un’arrembursu de tarifa chi podint pediri nùcleus familiaris titularis de impitus deretus o chi tenint sa residèntzia in un’impitu non deretu po usu domèsticu residendi chi tenint sa residèntzia in su Comuni de Aristanis, tenint unu cuntratus de frunidura de su servìtziu ìdricu integrau in gestioni a Abbanoa S.p.A., e s’agatant in cunditzionis sòtziu-econòmicu malas e cun un’inditadori iISEE Ordinàriu chi non sartat is € 20.000,00.
A s’istàntzia s’ant a depi auniri custus documentus:
a) fotocòpia de sa certifcatzioni de s’ISEE Ordinàriu bàlidu;
b) fotocòpia de su documentu de identidadi de su chi fait rechesta, bàlidu
c) fotocòpia de una fatura Abbanoa chi pertocat s’impitu.
S’importu de su Bonu Ìdricu Integrativu chi spetat a cadaunu beneficiàriu, finas a spaciai is arresursas assinnaus a su comuni, paris a € 40.85471, est de:
- €. 25,00 a cadaunu de is chi cumponint su nùcleu familiari cun un’inditadori ISEE prus bàsciu de su lìmiti de €. 9.000,00;
- €. 20,00 a cadaunu de is chi cumponint su nùcleu familiari cun un’inditadori ISEE de € 9.000,00 finas a su lìmiti de € 20.000,00.
Is istàntzias s’ant a depi intregai a manu a s’Ufìtziu Protocollu de su Comuni de Aristanis – Pratza de Eleonora, 44; a posta eletrònica certificada a s’indiritzu PEC istituzionale@pec.comune.oristano.it; a arracumandada A/R de mandai a su Comuni de Aristanis, Pratza de E. de Arborea n.44 – 09170 – Aristanis (acontessendi de impreai custa manera de intregai s’arracumandada A/R at a depi arribai aintru de sa dii ùrtima de su 30/12/2020, po tanti no at a balli sa data de speditzioni de cussa etotu); sighendi sa procedura in lìnia a disponimentu in su situ aposta www.bonusacqua.it.
S’avisu e su mòdulu de dimanda po su Bonu Ìdricu Integrativu funt a disponimentu in su situ istitutzionali de su Comuni de Aristanis, in s’Ufìtziu Relatzionis cun su Pùblicu (URP) e in su Servìtziu Informacidadi.
Is tzitadinus interessaus ant a podi arriciri informus e agiudu po cumpilai s’istàntzia in s’URP, de su lunis a sa cenàbura, de is 9 oras de mangianu finas a mesudii, su martis e sa giòbia a merii de is 3:30 a is 5:30, tel. 0783/791337 e 0783/791331, email: urp@comune.oristano.it o sinuncas a s’Informacitadi, su lunis, mèrcuris e cenàbura de is 9 oras de mangianu finas a sa 1 de meigama, tel. 0783/791628 e tel. 0783/791627, email: informacitta@comune.oristano.it