BONUS SPESA - Ammanniada sa trumma de is beneficiàrius e pròroga intregu istàntzias -
Si fait sciri a is tzitadinus interessaus ca s'Amministratzioni Comunali cun Delìbera n.157 de su 09.12.2020 at stabiliu de ammanniai sa trumma de is beneficiàrius po assinnai is Bonus po su mandiari in favori de genti e/o nùcleus familiaris chi, po nexi de s'apretu sanidàriu de sa Pandemia Sars-CoV2 de immui, si agatant in dificultadi.
S'intregu de is dimandas ddu ant trantziu a sa dii 16.12.2020.
Is istàntzias si podint mandai a PEC a s'indiritzu protocollo@comune.santagiusta.or.it o a posta eletrònica ordinària info@comune.santagiusta.or.it o, sceti non tenendi custas ainas, si podint intregai a manu a s'Ufìtziu Protocollu de su Comunu de Santa Justa de su lunis a sa cenàbura de sa ora de is 11.00 de mangianu a sa 1.30 de meigama e su mèrcuris a merii de is 3.30 a is 6.30.
Po ndi sciri de prus, fait a castiai s'Avisu pùblicu in su situ istitutzionali e/o tzerriai a s'Ufìtziu de Servìtziu Sotziali a su nùmeru 0783-354528.