De ariseu ant torrau a aberri su bookshop de s’Anticuàrium arborensi e s’Infopoint Sartìllia.
Ant a èssiri a disponimentu po fai arregallus stravanaus po Paschixedda.
“In una simana chi is atividadis culturalis sunt giai giai firmas e is mustras proibidas, unu arregallu acapiau a sa cultura e a is tradiztionis aristanesas podit èssiri agradèssiu meda e finas una manera de avalorai sa cultura nosta", acrarat s’Assessori Massimiliano Sanna chi cun s’Assessorau comunali at incorau s'initziativa de sa Fundatzioni Aristanis.
Lìburus, manifestus, prendas de sa traditzioni, carotas, mallietas e àteras cosas meda de sa Sartìllia e de sa traditzioni aristanesa ant à èssiri a disponimentu de is abbisitadoris.
S’Info point Sartìllia in sa bia de Eleonora d’Arborea aberrit su lunis, su mèrcuris e sa giòbia de is 8:30 a is 13:30, su martis e sa cenàbura de is 15:00 a is 19:30.
Su bookshop de s’Anticuàrium Arborense in pratza Corrias aberrit de su lunis a sa cenàbura de is 9 de mangianu a is seti de merì e su sàbudu de is 9 a sa una de mangianu e de is tres a is ses de merì.