Sardegna Ricerche, in collaboratzioni cun s'Assessorau regionali de
s'Indùstria, promovit sa partecipatzioni de ses impresas sardas a sa BIAT, Bursa de s'Innovatzioni e de sa Tecnologia Arta.
S'editzioni 2020 s'at a fai in lìnia de su 9 a s'11 de su mesi de idas. Tres diis inui
is operadoris italianus e internatzionalis ant a tenni s'oportunidadi de s'atobiai in lìnia in cunferèntzias e cursus in su web .
S'eventu fait parti de is initziativas de su Pianu Export Sud 2, unu programma de
atzionis po promovi is atividadis chi tenint sa punna de ancorai is impresas a traballai in totu su mundu e a si innovai sèmpiri; su programma est finantziau cun su dinai de su Programma
Operativu Natzionali Impresas e Cumpetitividadi 2014-2020 FESR (PONIC).
Sunt diversus is setoris interessaus: Biotecnologias, Green Economy (circular
economy, renewable energy, environment), ICT, Materialis Nous, Nanotecnologias e Tecnologias po sa Smart City.