Nova e fotografia de linkoristano.it
A movi de s'8 de su mesi de idas is tzitadinus de Crabas ant a podi pigai parti a s'initziativa po arragolli cosa de papai e àterus benis de primu netzessidadi po is famìllias chi tenint abisòngiu.
“Custa initziativa est de pònniri intra de is punnas de custa amministratzioni chi bolit promovi e ancorai totu is fainas chi agiudant a prevènniri su disàgiu sotziu econòmicu, e a s'agiudai a pari, fadendi atividadis de informu e educatzioni in totu is àmbitus de interessu sotziali - at nau – s’Assessora Alessandra Spanu .
Custu progetu, arribau a sa de tres editzionis, ddu cuncordant is assòtzius de volontariau Anteas Crabas e Vincenziane Sacro Cuore Cabras, chi òperant in is duas crèsias, cussa de Santa Maria Assunta e cussa de su Sacru coru de Gesus.
Is benis si podint comporai e lassai in is supermercaus de Crabas. Po mori de s'emergèntzia sanitària non s'ant a fai is stand de is assòtzius ma s'ant a pònniri unus cantu
contenidoris a sa bessida de is negòtzius, cun una locandina po ddus arreconnosci e inguni aintru s'ant a podi lassai is benis comporaus.
Su chi benit comporau s'at a partziri sighendi unu elencu fatu de su servìtziu sotziali comunali paris cun is volontàrius de is assòtzius.
“Non prus tradu de su vèspuru de Paschixedda eus a cunsenniai is benis giaus de sa comunidadi, at nau sèmpiri s'assessora. Gràtzias a s'agiudu de totu eus a assigurai prus trancuillidadi a totu is tzitadinus de Crabas.