S’Assessorau a is Polìticas sotzialis fait sciri ca sa Regioni at aprovau su progetu “Sinis LavoRas”, po poni in pràtica mesuras po “Cantieris nous in totu - annualidadi 2019” in s'àmbitu de su Programma Plurifundu LavoRas.
Su finantziamentu regionali assinnau a Crabas est de 152.566 èurus.
Funt otu is traballadoris chi s'ant a pigai a traballai cun su programma LavoRas, duus maistus de muru, cincu manobras e unu giardinieri, chi ant a traballai in su setori ambientali e ant a fai interventus po torrai a calificai s'arretza de is bias agru-silvu-pastoralis, s'ant a incurai de su birdi pùblicu e ant a torrai a su naturali is discàrrigas abusivas.
Is sceberus ddus at a gestiri s'Aspal, chi a gennàrgiu de su 2021 at a publicai s'avisu po intregai is dimandas. Intamis de fai comenti s'annu passau, is mòdulus s'ant a podi intregai sceti a manera telemàtica, po tanti su Comuni at stabiliu de fai intrai in sa chistioni su servìtziu Informa Comunidadi po agiudai is proceduras de compiladura.
Sa graduatòria si ndi at a pesai cunsiderendi cantu unu est disocupau e cantu tirat de arrèditu movendi de su chi narat s'Inditadori de Situatzioni Econòmica Echivalendi. Si invitant po tanti a is interessaus a agiornai s'atestau ISEE.