Publicau su bandu de gara po sa progetatzioni po torrai a calificai su portixeddu de Turri Manna.
Est in publicatzioni in sa Gazeta europea su bandu de gara po s'afidamentu de is servìtzius de progetatzioni po torrai a calificai su portu turìsticu e de su portu de is piscadoris de Turri Manna.
S'afidamentu s'at a fai cun procedura aberta e aprichendi su critèriu de s'oferta prus chi cumbenit a manera econòmica scerada cunforma a su raportu calidadi e prètziu movendi de una basi de gara de 138 milla èurus.
Podint pigai parti is professionistas lìberus a solus o assotziaus, sotziedadis de progessionistas, sotziedadis de ingennieria, prestadoris de servìtzius de ingennieria e architetura stabilius in àterus Istadus membrus, ragrupamentus po unu tempus o cunsòrtziu ordinàrius costituius, cunsòrtzius stabilis de sotziedadis de professionistas, de sotziedadis de ingennieria, finas in forma amesturada, cunsòrtzius stabilis professionalis, agregatzionis de operadoris econòmicus. S'intregu de s'oferta (documentatzioni amministrativa, oferta tècnica e econòmica) si depit fai cun su Sistema "SardegnaCat" aintru de sa ora de is 11:59 de noti de su 08/01/2021.
Totu is documentus de gara si podint agatai in s'indiritzu: https://trasparenza.comune.oristano.it/L190/?idSezione=69103&id=&sort=&activePage=&search=.
O finas me in is ufìtzius de su RUP in Pratza de Eleonora n.9 in Aristanis me in is diis de fatu de su lunis a sa cenàbura de is 11 a sa 1 de meigama, in antis de s'essi annotaus a su nùmeru 0783.791355.