S'ìsula de malu Entu ( chi po mori de una furriadura faddida est diventada Mal di Ventre) e su scòlliu de su Catalanu, si podint cunsiderai unu santuàriu de sa natura.
A ingìriu de s'ìsula de Malu Entu, ca est sa sola cosa chi est abarrada de una massa de granitu chi in is tempus passaus voretat totu sa costera otzidentali de sa Sardìnnia, ant fatu una zona A – de amparu integrali e una Zona B – de amparu generali.
A ingìriu de su scòlliu de su Catalanu, filoni vulcànicu nàsciu de unu tzentru de emissioni segundària de lava de pedra niedda, de colori giai totu nieddu e chi si spainat po unu ràgiu de prus o mancu 1000 metrus e una superfitzi de prus o mancu 300 ètaras, ddu est s'àtera de is duas zonas A de amparu integrali de s'Area marina Amparada de su Sinis.