S’Assessorau a sa Pisca fait sciri ca ant atacau cun su procedimentu chi pertocat is “Indennizus a is operadoris econòmicus de sa pisca po libertai sprigus de àcua anca si faint esercitatzionis militaris - E.F. 2021”.
Is chi tenint deretu ddus ant informaus de su fatu ca is dimandas tocat de ddas intregai a su Cumandu Militari Esèrcitu Sardigna - Ufìtziu Personali, Logìstica e Servitudi Militari - Bia de Torino n.21 Casteddu, movendi de s'11 de gennàrgiu de su 2021 cun su tèrmini ùrtimu de s' 11 de freàrgiu de su 2021.
Totu is dimandas de licuidatzioni, chi pertocat s'annu de indennizu e cumpretas de totu is documentus (sceti a una còpia) si depint mandai sceti a arracumandada A/R.
Su chi fait rechesta de indennizu at a depi inditai in sa dimanda de licuidatzioni su domicìliu cosa sua cumpretu de indiritzu de Posta Eletrònica Certificada (P.E.C.) chi arresurtat in su Registru de is Impresas e publicau in su INI-PEC (ìndixi natzionali de is indiritzus PEC) de su Ministeru de su Svilupu Econòmicu.