Po totu su mesi de idas is famìllias de is pipius nàscius ocannu ant a arriciri in regallu su lìburu “A fior di pelle” de Chiara Carminati e Massimiliano Tappari, cun unu kit chi at a cuntenni consillus apitzus de sa letura.
S'initziativa est de de s’Assessorau a sa Cultura e de sa Biblioteca comunali de Aristanis e est mòvia in su mesi de argiolas cun sa cunsènnia de is lìburus a is pipius de Aristanis nàscius in su 2019.
“Cun custu passu est acanta a acabbai sa primu annualidadi de su programma "Sa letura est unu donu" – acrarat s’Assessori a sa Cultura Massimiliano Sanna -. Su programma dd'ant ativau is amministratzionis comunalis de Aristanis, Arborea e Zeddiani e est finantziau de sa CRAI Ibba, Cooperativa Lati Arborea e Club Service Soroptimist Aristanis”.
“Custu programma chi bidit sa partecipatzioni de sa biblioteca de Aristanis e in collaboratzioni cun is pediatras e su Consultòriu familliari, tenit sa punna de promovi sa letura in famìllia a cumentzai de sa nàscida – sighit s’Assessori Sanna -. Sunt medas is chircas scientìficas chi ammostant ca est de importu mannu giai a is pipius ocasionis de svilupu intelletivu e de sentidu finas de is primus annus. Su de ligi est una atividadi chi serbit meda, agiudat is relatas cun is genitoris, agiudat in su svilupu de su linguàgiu e fatzilitat s'imparu de sa letura.
Su lìburu si podit arretirai in sa sedi de sa Biblioteca comunali, in via S. Antoni, de is 9 de mangianu a is duas de mericeddu de su lunis a sa cenàbura.
Po informatzionis podeis cuntatai sa biblioteca 0783-791750; biblioteca.prestito@comune.oristano.it