Nova de linkoristano.it
Ant scoviau is tres propostas chi s'ant a brigai sa bìncida de su cuncursu gràficu promòviu de sa Consulta giòvunus de Crabas. Sa proposta chi at a binci s'at a imperai comenti a immàgini ufitziali de s'organismu de rapresentàntzia. Si podit votai in is prefilus Facebook e Instagram de sa Consulta giòvunus. S'at a podi votai finas a sa mesunoti de su 7 de su mesi de idas 2020. Pighendi a cunsideru is arresultaus de is votatzionis in is social, at a èssiri sa Consulta a scioberai su bincidori de su cuncursu. Cali sunt is tres progetus chi pigant parti?
Sa primu proposta est unu monogramma. Is lìteras rapresentadas sunt is initzialis de s'organizatzioni, s'immàgini pertocat s'ogu de is Gigantis di Mont’e Prama, elementus caraterìsticus de sa bidda de Crabas.
Sa segundu proposta fait riferimentu sèmpiri a is Gigantis di Mont’e Prama. Innoi agataus finas unu gravellu arrùbiu, elementu acapiau a sa stòria antiga de su territòriu de Crabas.
In sa de tres propostas ddu at invècias unu skyline de Crabas. Immàgini pigada de una fotografia chi arrapresentat su stainu cun genti arrùbia bolendi.