Su bonus spesa previdiu in su Decretu Ristori, s'at a acreditai in sa tèssera sanitària.
A segus de s'istrutòria de sa domanda presentada, s'Ufìtziu de is Servìtzius Sotzialis at a carculai s'importu de donai a ònnia famìllia. Su dinai s'at a acreditai in sa tèssera sanitària de su sugetu chi at fatu sa dimanda. Sa tèssera sanitària non depi èsssiri in paperi. S'eus a comunicai s'acreditamentu de su dinai cun unu messàgiu a telèfunu a su nùmeru inditau in sa domanda ( ainantis de arriciri su messàgius non est possìbili a fai sa spesa). Is còmporas s'ant a podi fai feti in is negòtzius commertzialis chi sunt marcaus in unu elencu chi s'at a publicai in su giassu istitutzionali de su Comunu.
Cun custu bonus si podint comporai feti alimentaris e prudutus de primu netzessidadi po si sciacuai e po limpiai sa domu, e cosas chi serbint po is pipius comenti a lati, pannixeddus e omogenizaus. Sa tèssera non si podit imperai po comporai àterus prudutus chi non sunt de primu netzessidadi segundu s'ordinàntzia de su Capu de sa Protetzioni Tzivili n. 658 de su 29.03.2020, comenti, po fai calchi esèmpiu: sigaretas, cosa de bufai alcòlica, cosmèticus, arroba, eletrodomèsticus, telefoninus, arregallus. Candu si andat a pagai, s'at a lassai unu scontrinu fiscali chi inditat cantu dinai ddu at ancora in sa tèssera.
COMENTI INTREGAI SA DOMANDA
Is interessaus depint intregai sa dimanda, si est possìbili a posta eletrònica a s'indiritzu: info@comune.santagiusta.or.it o cun una PEC a protocollo@pec.comune.santagiusta.or.it . Feti si non si disponit de custus strumentus sa domanda si podit presentai a su protocollu de s'enti in custus oràrius: de su lunis a su cenàbura de is 11 de mangianu a sa una e mesu. Sa domanda si fait imperendi feti su mòdulu dedicau a movi de su 4 de su mesi de idas e intra e sena sartai su 01.12.2020.