Ant publicau su bandu po giai contributus a is allogateris morosus sena nexi chi tenint unu cuntratu de locatzioni a impreu de abitatzioni e a is sugetus cun provedimentu de sfratu.
Su bandu bolit agiudai is titularis de cuntratus de locatzioni de fràigu a a impreu abitativu chi s'agatint in cunditzionis de morosidadi po arrexonis non voluntàrias.
Po su 2020 sunt amìtias is domandas intregadas de is allogateris morosus sena curpa chi autotzertìfichint de ai tentu po mori de s'emergèntzia sanitària una smèngua de su redditu issoru po s' IRPEF prus arta de su 30% in sa simana martzu - maju 2020, relativamenti a sa matessi simana de s'annu ainnantis e de non àiri dinai bastanti po pagai s'afitu. In custu casu s'ant a arreconnosci is mensilidadis a movi de martzu 2020 e s'ant a tenni in contu finas cussas afatantis a su mesi de maju 2020. Custus agiudus non balint po is chi tenint in afitu allògius residentzialis pùblicus.
Is domandas si podint presentai a partiri de immoi e po totu s'annu, in custa manera:
- a manu a s'Ufìtziu de su protocollu ( de su lunis a sa cenàbura de is 10 de mangianu a mesudì);
- cun su servìtziu postali cun racumandada A.R.;
- cun posta eletrònica tzertificada a custu indiritzu servizi.sociali@pec.comune.cabras.or.it;
- cun posta eletrònica a custu indiritzu servizi.sociali@comune.cabras.or.it;
Po is arracumandadas at a balli sa data de arribu.