Su Comuni de Aristanis at assinnau a s'architetu Bongioni de Firenze su cuncursu de progetatzioni po torrai a nou e avalorai sa Pratza Manno.
Su cuncursu teniat sa punna de agatai una proposta progetuali de calidadi arta siat architetònica siat paesagìstica arrespetendi sa mellus relatzioni intra de benefìtzius e costus, manutentzioni e gestioni.
Su cuncursu s'est fatu imperendi sa piataforma posta a disponimentu de s 'òrdini de is architetus de Bologna chi at garantiu s'anonimau de is chi ant pigau parti finas a candu s'est acabbada sa valutatzioni de is propostas de parti de sa cumissioni de gara, inui ant pigau parti professoris universitàrius spertus de urbanìstica e su dirigenti de su setori Svilupu de su Territòriu de su Comuni de Aristanis.
Sunt arribadas 25 propostas; 23 intra de is tèrminis prevididus de su bandu, chi immoi sunt a disponimentu de totu is tzitadinus.
In su link asuta eis a agatai sa graduatòria, cumpilada de sa cumissioni de gara, inui si inditat su nòmini de is tècnicus chi ant pigau parti, marchendi is progetus chi sunt in is primus cincu postus e in prus unu progetu chi s'est minèsciu una arremoni spetziali. Totu is àteras propostas ddas ant cunsideradas a su matessi livellu.
Chi est interessau podit cumpilai su form chi s'agatat in su giassu istitutzionali de su comuni po lassai comentus e domandai àterus acraramentus.
Sighendi custu link agatais totu is propostas progetualis.