Ant mòviu is interventus afatantis po su deretu a su stùdiu po studiantis chi su nùcleu familiari tenit un’inditadori de sa situatzioni econòmica ecuivalendi (innoi in antis I.S.E.E.) bàllidu, cunforma a su D.P.C.M. nu159/2013, prus bàsciu o agualis a € 14.650,00.
1. BURSA DE STÙDIU REGIONALI (a. s. 2019/2020)
Po is studiantis de is scolas pùblicas primàrias e segundàrias de primu e segundu gradu (foras de is beneficiàrius de sa Bursa de stùdiu natzionali (2019/2020).
2. BONU LÌBURUS (a. s. 2020/2021)
Po is studiantis de is scolas segundàrias de primu e segundu gradu.
INTREGU DIMANDA
Sa dimanda dda depit intregai AINTRU DE SA 1:00 DE MEIGAMA DE SU 5 DE SU MESI DE IDAS DE SU 2020 su genidori, su rapresentanti legali de su studianti o su studianti etotu candu est magiorenni.
Su mòdulu de sa dimanda chi si podit agatai in su situ o in s'intrada de sa domu comunali de pratza de Eleonora, de su lunis a sa cenàbura de is 10:00 de mangianu a is mesudii si podit intregai:
- a manu a s'Ufìtziu protocollu (de su lunis a sa cenàbura de is 10:00 de mangianu a is mesudii)
- a posta eletrònica certificada e/o ordinària a s'indiritzu PEC protocollo@pec.comune.cabras.or.it. o Mail protocollo@comune.cabras.or.it.
A sa dimanda tocat de ddi auniri totu custus documentus:
1. fotocòpia de s’atestau ISEE bàllidu chi si lassat cunforma a sa normativa chi su DPCM n.159/2013 ponit in contu;
2. fotocòpia de su documentu de arreconnoscimentu bàllidu de su chi fait rechesta;
3. sceti po su Bonu lìburus: totu is documentus chi cumproant sa spesa (scontrinus, arrìcidas e faturas)