Si fait sciri a is interessaus ca ant mòviu is interventus afatantis po su deretu a su stùdiu po studiantis chi su nùcleu familiari tenit un’inditadori de sa situatzioni econòmica ecuivalendi (innoi in antis I.S.E.E.) bàllidu, cunforma a su D.P.C.M. nu159/2013, prus bàsciu o agualis a € 14.650,00.
· BURSA DE STÙDIU REGIONALI (a. s. 2019/2020) Po is studiantis de is scolas pùblicas primàrias e segundàrias de primu e segundu gradu (foras de is beneficiàrius de sa Bursa de stùdiu natzionali (2019/2020).
· BONU LÌBURUS (a. s. 2020/2021) Po is studiantis de is scolas segundàrias de primu e segundu gradu.
MODU PO INTREGAI DIMANDA
Podint intregai sa dimanda a su Comunu de residèntzia (Ufìtziu: Servìtziu Sòtziu Culturali) AINTRU DE SA DII 5 DE SU MESI DE IDAS DE SU 2020: su genidori, su rapresentanti legali de su studianti o su studianti etotu candu est magiorenni, cumpilendi su mòdulu aposta e aunendi totu custus documentus:
1. fotocòpia de s’atestau ISEE bàllidu chi si lassat cunforma a sa normativa chi su DPCM n.159/2013 ponit in contu;
2. fotocòpia de su documentu de arreconnoscimentu bàllidu de su chi fait rechesta;
3. sceti po su Bonu lìburus: totu is documentus chi cumproant sa spesa (scontrinus chi narat a craru sa spesa, arrìcidas e faturas)
INFORMATIVA ASUBA DE SU PRIVAU
Po totu su chi pertocat is procedimentus de custu avisu tocat a castiai s’informativa po su manigiamentu de is datus personalis cunforma a su GDPR n. 679/2016UE chi su Comunu at aprontau e chi est in sa pàgina ufitziali de su situ.
MODULÌSTICA E INFORMATZIONIS
Sa modulìstica chi si depit impreai est a disponimentu in su situ de sa Regioni Sardigna: www.regione.sardegna.it, in su situ istitutzionali de su Comunu e in s’Ufìtziu po arriciri genti de su Comunu.
Po ndi sciri de prus:
Ufìtziu: Servìtziu sotziali- Ufìtziu po arriciri genti de su Comunu
Diis e oràriu po aberri: de su lunis a sa cenàbura de is 9,00 oras de mangianu a sa 1,30 de meigama
Telèfonu: 0783/993021 Email: serviziosociale@comune.mogoro.or.it