Su sìndigu de Crabas Andrea Abis at scritu una àtera borta a Postas Italianas apretendi
de ammanniai s'oràriu de abertura de su sportellu postali de Crabas po garantiri su servìtziu a is impitadoris finas a merì.
“Incapitat bortas meda, prusatotu in argunas diis, ca essendi-nci genti meda chi abetat
sa genti si ammuntonat – at nau su sìndigu Andrea Abis -. Tocat duncas chi is Postas assigurint is cunditzionis giustas po non spainai su Covid19, allonghiendi su tempus de abertura a su pùblicu
”.
In s'istadiabi s'Amministratzioni at serrau a manera totali o partziali sa via Dante po
garantiri sa siguresa de totu is tzitadinus e de calchi mesi at fintzas postu unu gazebu cun cadiras po is impitadoris.
“Incapitat difati ca is personis purs dèbilis depant bivi cunditzionis de suferèntzia po su fatu de depi abetai oras e oras foras de s'ufìtziu e immoi est ancora peus biu su frius chi nd'est arribau – sighit a nai su primu tzitadinu-. Allonghiai s'oràriu de abertura iat a permìtiri de smenguai is cunditzionis de perìgulu dèpias a is assembramentus e is cunditzionis de strobu bivias de is tzitadinus”.