Intra s'annu chi benit su Comuni de Sabarussa at a giai in apaltu is traballus po is interventus chi tenint sa punna de smenguai s'arriscu idrogeològicu, finantziaus de sa Regioni Sardìnnia. " Eus afidau sa progetatzioni cun una gara pagu cidas fait e non prus tradu de s'acabbu de s'annu eus a tènniri su progetu preliminari, narat su sìndigu Tendas. Totu at a acabbai in su 20121 candu eus a tènniri su progetu definitivu, eus a fai sa gara e eus a apaltai is traballus.”
Est unu pianu de 8 milionis de èurus . “Martzu passau”, sighit a nai su sìndigu de Sabarussa, “su comuni at fatu unu acòrdiu cun sa Regioni, cun s'assessorau a is traballus pùblicus. S'ant arreconnotu unu finantziamentu de 8 milionis de èurus e 100 milli èurus po cumbati s'arriscu idrogeològicu”.
Sabarussa est unu de is territòrius prus a arriscu de sa provìntzia. Seti annus a oi s'alluvioni Cleopatra iat fatu dannus mannus. Su 18 de onnisanti 2013 unu frùmini de àcua allagàt Sabarussa; domus, atividadis e stradas.
“Est de tempus meda chi s’amministratzioni comunali est traballendi po cuntrastai custu problema”, in custus annus”, sighit Tendas, “eus mandau ainnantis àterus tres progetus. Seus fadendi cun pagu prus de 130milli èurus operas po sistemai is coladoris e is canalis in is àreas prus a arriscu, acrarat Tendas.
A afortiai totu custu nc'est finas unu àteru interventu de su Consòrtziu de bonìfica. " Pertocat su canali aintru a sa bidda, S'at a pònniri in siguresa po ammanniai sa capassidadi de arregorta de s'àcua”.