Cras 25 de su mesi de onnisanti a movi de i8 de mangianu e finas a sa una a ora de prandi, Abbanoaat a fai traballus de manutentzioni a is tubus de s'àcua de su Comuni.
Is traballus s'ant a fai a s'ingruxada de via Mazzini, via Machiavelli, via De Castro; in via Maddalena; in via Roma a s'ingruxada cun via Cesare Battisti e in via Kennedy a s'ingruxada cun su Cursu Europa.
In s'interis chi sunt fendi is traballus at a ammancai s'àcua in sa bidda de Crabas e nci ant a èssiri disservìtzius in sa distributzioni de s'àcua a is impitadoris.
Is disservìtzius non ant a interessai is borgadas marinas e sa fratzionis de Solanas.
A s'acabbu de is traballus at a torrai s'àcua; iat a pòdiri torrai fintzas prima de s'oràriu prevididu.
Su Comuni fait sciri ca luegu a s'acabbu de is traballus s'àcua iat a podiri èssiri unu pagu trua.
Po calisisiat problema, si podit tzerriai a su nùmeru birdi po is guastus de Abbanoa, 800.022.040, chi funtzionat a totu dì.