Procedura de mobilidadi voluntària de foras po ammantai a tempus prenu e indeterminau n.1 postu de Istrudori Diretivu Assistenti Sotziali – Cat. D – AVISU COLLÒCHIU
Su Comunu de Mòguru at publicau unu bandu de mobilidadi voluntària de foras cunforma a s’art. 30 de su D.lgs. n. 165/2001, po ammantai a tempus prenu e indeterminau n. 1 postu in su perfilu professionali de Istrudori Diretivu Assistenti Sotziali – Cat. D.
Su bandu de mobilidadi est deretu a is dipendentis de rolu a tempus prenu e indeterminau de un’amministratzioni pùblica cun su matessi o anàlogu perfilu professionali de su postu de ammantai.
Sa dii martis 1 de su mesi de idas de su 2020 a sa ora de is 4.30 de merii s’at a fai, in su Comunu de Mòguru in sa bia de Leopardi n.8, su collòchiu chi pertocat sa procedura in chistioni.
Is candidaus innoi infatu ant a depi andai a sa prova cun unu documentu bàllidu de arreconnoscimentu, non portendi-ddu avatu ballit comenti a arrenùntzia de sa prova po ddus sceberai, mancai chi dipendat de nexi arribada totu in una borta
1. Gallittu Mariantonietta.
Si fait sciri in prus ca po podi intrai a municìpiu po fai sa prova, is candidaus s’ant a depi fruniri a marolla de dispositivu de protetzioni individuali e fata chi siat custa decraratzioni:
a. De no essi positivu a s’arresurtau de su tamponi COVID19.
b. De no essi in mesura de carantena.
c. De no ai frecuentau, me in is ùrtimu 14 diis, genti chi sciit de sa positividadi insoru a su virus COVID 19 o chi funt in carantena.
d. De non teni calentura chi sartat is 37,5°.
e. De connosci is prescritzionis guvernativas po poni arrefrenu a sa spaniadura de su COVID-19 e de is consighèntzias po violamentus o decraratzionis farsas.
Po ndi sciri de prus tocat a s’inderetai a s’Ufìtziu Personali (tel. n. 0783/993003-23 o posta eletrònica: segreteria@comune.mogoro.or.it).