Si avisat ca su Comitau Istitutzionali de Àmbitu de s’Egas at aprovau su Regulamentu po poni in pràtica is Bonus Sotzialis Ìdricus Integrativus 2020 po s’àmbitu territoriali gestionali in gestioni a Abbanoa S.p.A. S’agevolamentu est in aciunta de su bonu natzionali chi at arreconnotu s’Arera.
S’agevolamentu est po is chi tzèrriant impitus dèbilis, in cunditzionis sòtziu-econòmicas de disàgiu chi si podit ammostai cun s’ISEE ordinàriu.
Cunforma a is lìmitis de arrèditu chi su Comitau scerat si tenit deretu a un’arrebàsciu in bulleta paris a:
– 25 èurus a cadaunu de is chi faint parti de su nùcleu familiari cun arrèditu ISEE asuta de su lìmiti de 9.000,00 èurus.
– 20 èurus a cadaunu de is faint parti de su nùcleu familiari cun arrèditu ISEE chi movit de 9.000,00 èurus finas a su lìmiti de 20.000,00 èurus.
Is arrechestas s’ant a depi mandai aintru de su 30 de su mesi de idas de su 2020 a su Comunu de residèntzia, a posta eletrònica a s’indiritzu protocollo@comune.mogoro.or.it (in formau pdf) o intregadas a manu in s’ufìtziu po arriciri genti de su Comunu, innui s’at a podi pigai finas sa modulìstica, acontessendi de non ndi dda podi scarrigai de su situ istitutzionali;
A s’istàntzia de ammissioni a su benefìtziu s’ant a depi auniri:
1. documentu de arreconnoscimentu bàllidu de su chi fait sa rechesta;
2. una bulleta chi pertocat s’impitu de s’agevolamentu;
3. còpia de s’atestatzioni de s’ISEE ORDINÀRIU bàllidu a sa data de intregai sa dimanda.