COVID-19 – RAGORTA E SMARTIMENTU ÀLIGA DE LOGU DE DOMU
Si fait sciri ca, cunforma a su chi inditat s’Istitutu Superiori de Sanidadi po smartiri s’àliga in custu tempus de apretu sanidàriu, nci at arrègulas nobas, po su prus po is chi funt in isulamentu domiciliari sendi positivus a su Coronavirus.
Po totu cussus chi funt positivus e postus in carantena obrigatòria s’àliga non tocat de dda seberai, tocat de dda serrai cun duas o tres sachitas fortis, una a intru de s’àtera; in prus is animalis de logu de domu non depint lompi a su locali anca duui funt is sachitas.
S’arretitu aposta, po totu custas categorias de genti domiciliada in Arriora, est postu in contu po su MARTIS e su SÀBUDU. Sa sachita tocat de dda poni in su nùmeru tzìvicu inditau in carantena aintru de is 6:00 de mangianu o su merii in antis, passadas is 10:00 de noti.
Candu, de contras, unu no est positivu o in carantena s’arragorta seberada sighit a essi comenti a sèmpiri, usendi s’abistesa candu unu est arrasfriau, po caudela, de smartiri in sa ragorta de su sicu is mucadoreddus de paperi, is mascarinas e is guantus.
Su Coordinamentu de su C.O.C.