Piciocheddus cun cuscièntzia – A su Spàtziu Giòvanus 5 atobiadas asuba de is cumportamentus a arriscu, saludi e benèssiri.
Su Spàtziu Giòvanus e s’Assessorau a is Polìticas giovanilis de su Comuni de Aristanis cuncordant una carrera de atòbius po totu is piciocheddus tzitadinus po favoressi sa saludi e su benèssiri psicu-fìsicu, asuba de cumportamentus a arriscu in mesu a is piciocheddus e is tàtigas po ddus preveniri.
“Is atòbius s’ant a fai totu is mèrcuris de su mesi de onniasantu e de su mesi de idas me in is localis de su Spàtziu Giòvanus de Sa rodia – narat s’Assessori a is Polìticas giovanilis Maria Bonaria Zedda -. Is atòbius ddus ant cuncordaus po permiti a is piciocus de connosci mellus is arriscus e is perìgulus chi ndi bessint de unus cantu situatzionis chi ddus tocat, in un’òtica resolutiva e proativa innui funt issus is protagonistas ativus”.
Cincu funt is atobiadas a indonu, chi at a fai s’educadori professionali Antonio Ricciu e chi ddus at a fai, arrispetendi is normas contras a su Covid, totu is mèrcuris de is 4:30 a is 5:30 de merii, in su Tzentru de Agregatzioni Giovanili Spàtziu Giòvanus “Flavio Busonera” de Sa Rodia.
Custu su calendàriu:
25 de onniasantu: Usu e abusu de sustàntzias
2 de su mesi de idas: Educatzioni stradali e ghia segura
9 de su mesi de idas: Sessualidadi cun cuscièntzia
16 de su mesi de idas: Mandiari sanu e importàntzia de su sport a picicocheddus
23 de su mesi de idas: Tutela e arrispetu de is logus pùblicus