Cabras at a tènniri unu Cumitau mèdicu locali: unu organismu cun funtzionis tècnicu-scientìficas po ammellorai sa gestioni de sa pandemia de Covid-19 in su territòriu comunali. Su sìndigu Andrea Abis e sa Giunta sua in custa manera bolint afortiai sa fasi de averiguamentu de sa positividadi e sa vigilàntzia sanitària, abarrendi sèmpiri in cuntatu cun sa strutura pùblica de sa Assl de Aristanis.
Duncas custu Comitau at a èssiri s'acàpiu intra de su tzitadinu, su Servìtziu de Igienu Pùblica e su sìndigu comenti a autoridadi sanitària locali.
Ant a fai parti de custu comitau is dotoris de famìllia chi òperant in Crabas e chi ant partetzipau a unu atòbiu in videocunferèntzia cun su sìndigu a ant aprovau custa initziativa de trabballai totus impari po gestiri custa emergèntzia, prusatotu in cussas situatzionis difìtzilis meda comenti a is iscolas.
“Custa pandemia s'at imparau ca tocat a ammellorai sa mexina de su territòriu, at acabbau Andrea Abis, “cun unu sistema sanitàriu chi traballit fadendi retza e chi depit afortiai sa preventzioni e s'assistèntzia in domu de is maladius”.