Movendi de oi su Comuni at a favoressi s’initziativa "Diabete e Sport 3.0" ospitendi e veiculendi cun su giassu istitutzionali suu is 16 vìdeus informativus asuba de su tema de su sport comenti a aina de preventzioni e de gestioni de su diabeti, deretus a totu cantus, e in mesu a totu a cussas chi tenint sa maladia, chi disìgiant de s’acostai a sa pràtica de s’atividadi motòria.
Su primu vìdeu at a essi a disponimentu in su giassu de su Comuni de Aristanis de is 2 de meigama de domigu 22 de onniasantu cun sa testimonia de Gianluca Carta.
Gianluca Carta, classi 1989 cun diabeti de tipu1, contat ita est su sport po cussu. Cun custa intervista boleus cumpartziri sa realidadi de Gianluca, s’acostadura sua a su palloni e a su diabeti