Nova e fotografia de linkoristano.it
In Crabas e in sa fratzioni de Solanas sunt cumentzaus is traballus po sistemai is stradas de sartu a cumentzai de cussas a ingìriu de sa bidda. Est unu interventu struturali mannu chi s'amminsitratzioni bolit fai po giai unu agiudu a su problema de totu cussas stradas chi sunt in cunditzionis lègias e sunt unu perìgulu po is chi passant.
Is primus interventus s'ant a fai in sa fratzioni de Solanas e a foras de Crabas, acanta acanta a sa bidda. Si previdit de acabbai custus traballus, chi ant a costai 50 milli èurus prus o mancu, intra sa primu metadi de su mesi de idas.
“Boleus giai una arrespusta a s'imprenditoria agrìcula e a totu is chi po traballu passant cun dificultadis mannas in cussa strada cun is veìculus issoru", sighit a nai Abis. “Depeus castiai ainnantis e programmai, at acabbau su sìndigu, sena de si firmai po mori de custu Covid. Non totu si podit sistemai ocannu ma immoi cumentzat su programma de interventus chi in su giru de tres annus, de su 2020 a su 2022 at a ammellorai a manera importanti sa viabilidadi rurali de Crabas e Solanas”