Si avisant a totu is personis interessadas ca su Comitau Istitutzionali de Àmbitu de s'Enti de Guvernu de s’Àmbitu de Sardigna (EGAS) cun Delìbera n.35 de su 12.11.2020 at aprovau su Regulamentu po poni in pràtica su BONU Sotziali Ìdricu Integrativu po s'annu 2020 in s’àmbitu territoriali regionali in gestioni a Abbanoa SpA.
Funt, po tanti, abertus is tèrminis po intregai is istàntzias po lograi agevolamentus econòmicus a tràgiu de arrembursus tarifàrius, su chi narant " BONU Sotziali Ìdricu". Po podi benefitziai de is agevolamentus econòmicus in chistioni, abisòngiat a teni custus rechisius:
- Teni sa residèntzia in unu Comunu in gestioni a Abbanoa SpA;
- Teni un’impitu a usu domèsticu residendi, o po is impitus condominialis, teni sa residèntzia in s’indiritzu anca est s’impitu condominiali de residèntzia;
- Teni un’inditadori ISEE chi non sartat su lìmiti de € 20.000,00.
S'importu de s’agevolamentu at a essi paris a € 25,00 a cadaunu de is chi faint parti de su nùcleu familiari cun un’inditadori ISEE asuta de su lìmiti de € 9.000,00 e de € 20,00 a cadaunu de is chi faint parti de su nùcleu familiari cun inditadori ISEE de € 9.000,00 finas a su lìmiti de € 20.000,00.
A sa dimanda de amissioni tocat de auniri totu custus documentus:
- Còpia de unu documentu de identidadi bàllidu;
- Còpia de una bulleta Abbanoa;
- Còpia de s'Atestatzioni de s'ISEE ORDINÀRIU bàllidu a sa data de intregai sa dimanda chi at lassau unu Tzentru de Assistèntzia Fiscali (CAF).
Is dimandas si depint intregai aintru e sena de sartai sa data de su 30.12.2020 e si nci podint mandai a s’indiritzu pec protocollo@pec.comune.santagiusta.or.it o a cun posta eletrònica ordinària info@comune.santagiusta.or.it o, feti candu unu non disponit de custas maneras si podint intregai a manu a s'Ufìtziu Protocollu de su Comunu de Santa Justa in custas diis e oràrius: de su lunis a sa cenàbura de sa ora de is 11.00 a sa ora de sa 1.30 de mangianu e su mèrcuris a merii de is 3.30 a is 6.30.
Po ndi sciri de prus fait a castiai is allegaus de custa comunicatzioni e/o cuntatai s’Ufìtziu de Servìtziu Sotziali telefonendi a su nùmeru 0783/354528 o cun posta eletrònica a servizio.sociale1@comune.santagiusta.or.it