Su Rotary Club de Aristanis me in is diis chi benint at a donai a is scolas primàrias de sa tzitadi tamponis a arresurtau lestu po apurai sa positividadi a su Covid-19.
Su Rotary Club cunfirmat, duncas, s'impènniu suu sotziali finas in custu apretu sanidàriu. In sa primu parti de sa pandemia, cussa de s'inghitzu de beranu passau e chi s'at biu acorraus a totus, in acòrdiu cun s'òrdini de is mèigus at circau de fruniri s'agiudu, su prus chi faiat, agiudendi in sa còmpora de materiali sanidàriu prus de apretu e de abisòngiu.
Apustis de ai fatu s'òrdini is tamponis funt arribaus. Aintru de sa cida ddus 'ant a donai a sa Scola Primària de su "Sacro Cuore", a sa Scola Primària de sa bia de Bellini, a sa Scola Primària de Sa Rodia, a sa Scola Primària de sa bia de Solferino e a cussa de su "Sacro Costato". A cadauna una scola s'ant a donai 100 tamponis antìgenus a arresurtau lestu.
Is test ddus ant a podi fai aintru de is istitutus etotu unu mèigu o infermieri. Su progetu at arriciu s'aprovamentu de sa Diretora de sa ASSL Valentina Marras.