Su 24, su 26 de onniasantu e su 1 de su mesi de idas s'at a fai in lìnia, in su canali "YouTube CSCUNLAOristano" e in sa pàgina "Facebook" de su Tzentru Servìtzius Culturalis UNLA de Aristanis, s'editzioni speciali de sa rassinna cinematogràfica "La Resistenza su celluloide".
Sa de cincu editzionis de sa rassina pigat sèmpiri de prus unu balori scientìficu e de connoscèntzia po totus e ocannu tenit a tema is Catòlicus in sa Resistèntzia.
S'initziativa dda at cuncordada su Tzentru Servìtzius culturalis UNLA de Aristanis, sa Biblioteca Gramsciana ONLUS, sa NUR e s'istitutu sardu po sa stòria de s'antifascismu e de sa sotziedadi de oindii (ISSASCO).
Su programma
Martis 24 de onniasantu a sa ora de is 5,30 de merii
"Cattolici, Resistenza e antifascismo: uno sguardo sulla Sardegna"
Si ndi incurat Walter Falgio
Giòbia 26 de onniasantu a sa ora de is 5,30 de merii
"Tracce filmiche di spiritualità resistente"
Si ndi incurat Giuseppe Manias
Martis 1 de su mesi de idas a sa ora de is 5,30 de merii
"Continuare la buona battaglia: don Pietro Pappagallo"
Si ndi incurat Gianfranco Albano
Walter Falgio (Cuartu Sant’Eleni, 1970), dotori de circa in Stòria moderna e contemporànea in s’Università de Casteddu, at publicau monografias e sàgius asuba de sa Sardigna de su setixentus, asuba de is movimentus de is studentis de su ’68 e asuba de sa stòria de sa Resistèntzia po is editoris AM&D, Cuec e FrancoAngeli. Giornalista professionista, at traballau paris cun Il Manifesto, Liberazione, L’Unione Sarda e cun Radio Rai. Fait a presidenti de s'Istitutu sardu po sa stòria de s'antifascismu e de sa sotziedadi de oindii.
Giuseppe Manias nascit in Aristanis in su 1969. Cun su fradi Luigi tenint in gestioni sa Biblioteca Gramsciana. Studiosu de Gramsci at traballau paris cun una surra de rivistas e fait in Itàlia e foras de Itàlia fainas po fai connosci a totus su pensadori abaresu. S'est incurau finas de is catàlogus chi pertocant s'arti de oindii. In su 2007 s'est incurau de is "Quaderni Tresso" in su n. 60 sa bibliografia a s'ùnicu discussu parlamentari de Antoni Gramsci e in su n. 63 de sa matessi rivista at publicau, cun un'intrada de Aldo Borghesi, duus sàgius suus a tìtulu "Antonio Gramsci e il movimento anarchico nel periodo de L'ordine Nuovo" e "Camillo Berneri tra Antonio Gramsci e Carlo Rosselli". In su 2018 unu sàgiu suu scritu cun Daniele Sanna asuba de is Màrtiris de Sutri est bessiu in su volùmini “La Sardegna e la guerra di liberazione” po is tipus de sa Carocci.
Gianfranco Albano, nàsciu in Forlì in su 1942, est unu regista italianu, chi ndi at pesau po su prus "fiction" po sa RAI e Mediaset.
In mesu a totu is produtzioni televisivas chi at deretu, arregordaus: Mino - Il piccolo alpino, Diventerò padre, Un milione di miliardi, Felipe ha gli occhi azzurri e In fuga per la vita,
Felicia Impastato, La buona battaglia - Don Pietro Pappagallo.
Est unu de is fundadoris de sa rivista Cinema & Film, chi nascit cun su patrocìniu de Pier Paolo Pasolini.