S’Aniad Sardìnnia (Assòtziu Natzionali Italianu Atletas Diabèticus) e su Servìtziu de Diabetologia e Maladias matabòlicas de sa Assl de Aristanis promovint impari su progetu Diabeti e Sport 3.0”, cun su patrocìniu chena dinai de sa Regioni Autònoma de Sardìnnia, Assòtzius Dotoris Diabetòlogus Sardìnnia (AMD Sardìnnia), Assòtziu Italianu de Diabetologia (SID) e Diabeti Itàlia.
Su progetu previdit unus cantu vìdeus, 16, de informatzioni apitzus de su sport comenti a aina po prevenni e gestiri su diabeti, destinaus a totus e prusatotu a is chi sunt maladius e si bolint acostai a sa pràtica de s'atividadi motòria. Sa publicatzioni de is filmaus est cumentzada ariseu giòbia 19 de onnisanti a is 2 de merì e at a sighiri po otu cidas, totu is giòbias e is domìnigus in is canalis sotzial (Facebook e You Tube) e in is giassus internet de Aniad Sardìnnia e Assl Aristanis.
Ant difati ammostau ca a livellu psicològicu e sotziali sa pràtica de s'atividadi motòria est una aina bona meda po unus cantu maladias crònicas comenti a su diabeti de tipu tipo 2,e est finas unu agiudu mannu po agiudai in sa gestiono e preventzioni de is complicantzias de su diabeti de tipu 1. Melloramentu de sa glicemia, antena bella, ammanniamentu de sa sotzializatzioni , sunt feti argunus de is benefìtzius de sa pràtiga sportiva. Peroa candu si tenit una maladia autoimmuni comenti a su diabeti tocat a fai atentzioni meda candu si detzidit de s'acostai a su sport. Est de innoi chi nascit sa netzessidadi de su progetu “Diabeti e Sport 3.0”, chi bolit giai is istrumentus po agiudai is personis cun diabeti a lompi a unu benesseri psicofisìcu prus forti, pratighendi su sport a manera fitiana e cuntrollada.