Is discàrrigas scarrabeciadas de s'àliga e chi non si imperant prus arrapresentant unu arriscu mannu po sa saludi de is tzitadinus e de s'ambienti. Duncas tènniu contu de is prioridadis marcadas in su ‘Pianu regionali de sa bonìfica de is àreas incuinadas’, aprovau in su 2019, de is rechestas de is Comunus e de is programmas de spesa, eus scerau unus cantu situs de finantziai po sighiri in sa fasi de bonìfica”. Dd'at nau s’assessori regionali de s'Amparu de s’ambienti, Gianni Lampis, acrarendi ita s'at a fai cun su stantziamentu de 1 milione 920mila èurus: atividadis de caraterizatzioni, anàlisi de arriscu e interventus de bonìfica e pònniri in siguresa is situs impestaus.
Ant censiu 404 discàrrigas monocomunalis, 59 de arta e 134 de mèdia prioridadi: 15 situs s'agatant in sa Tzitadi metropolitana de Casteddu; 91 in sa provìntzia de Tatari; 105 in sa provìntzia de su Sud Sardìnnia; 106 in sa provìntzia de Nuoru; 87 in sa provìntzia de Aristanis.
Mòguru at tentu unu contributu de 40 milli èurus.