Nova e fotografia de linkoristano.it
Una nova bona po totu is maistus de sa scola elementari de Crabas chi fuant in corantena de unas cantu diis. Ariseu totu is maistus ant fatu su test tamponi antigènicu in unu laboratòriu privau cunventzionau cun su Comuni de Crabas e totu is cuntrollus sunt arresultaus negativus.
Duncas po fortuna nemmus de is maistus at pigau su virus, aici at nau su sìndigu Andrea Abis. In su bennidori, si at a incapitai ca nci ant a èssiri àterus casus de maladia, s'at a sighiri custu protocollu.
“Cun custus tempus de arrespusta aici lestrus, at acrarau su sìndigu, su programma si podit giai una grandu manu de agiudu po circai de evitai su chi est incapitendi in una surra de scolas, est a nai de ddas serrai in totu. Nosu seus provendi-nci.