Sa Càmera de Cummèrtziu de Aristanis cun prexu mannu si fait sciri ca "Eccellenze in Digitale" torrat a partiri pròpiu a Aristanis cun s'editzioni noba 2020/2021, cun novidadis importantis finas arrespundendi a s'mergèntzia Covid.
Su programma stòricu de Unioncamere e Google, chi agiudat is impresas a scoberri su web, is ainas digitalis e s'importàntzia de si movi in su mundi in lìnia, ocannu finantziau de Google.org, at a permìtiri a is aziendas de formai a indonu is imprendidoris e is traballadoris de is aziendas ammanniendi is cumpetèntzias digitalis issoru po agiudai is impresas in custa simana difitzìli. Ant a podi pigai parti a is atividadid totu is traballadoris: is amministradoris, chi si òcupat de comunicatzioni finas a arribai a is dipendentis interessaus e a is tirocinantis e collaboradoris.
Su Progetu si fait cun s'agiudu de Punto Impresa Digitale, chi agiudai is impresas in su protzessu de annoamentu e fait parti de "Italia in Digitale”, su programma de atividadis de Google contra a su Covid-19.
Sa Càmera de Cummèrtziu de Aristanis pigat parti a su progetu cun sa punna de agiudai su svilupu de is cumpetèntzias digitalis po smenguai is efetus de sa crisi in su territòriu suu. S'ant a cuncordai atividadis de formatzioni po imparai a agatai e gestiri is clientis chi sunt atesu o acanta, ammellorai sa presèntzia in lìnia comunichendi sa calidadi de produtus e servìtzius, gestiri is atividadis de remoto e imparai a si movi cun is ainas digitalis.
Su progetu cumentzat a livellu natzionali cun tres diis de formatzioni e pigat parti sa Càmera de Cummèrtziu puru cun su primu cursu in lìnia a indonu “EoD con Eid. Est ora de si digitalizai. Scoberri su web cun sa formatzioni a indonu po totu is traballadoris" chi s'at a fai mèrcuris 25 de onnisanti de is 10:00 a is 11:30 de mangianu e inui s'at a fueddai de is ainas po sa formatzioni e sa crèscida professionali digitali.
Tocat a si iscriri a su cursu intra de su 24 de onnisanti a sa una de mangianu,. Po ndi sciri de prus abbisitai su giassu de sa Càmera de Cummèrtziu.