Si fait sciri a totu sa tzitadinàntzia ca s'Amministratzioni Comunali at decidiu de atacai unu Servìtziu Telefònicu de Agiudu Psicològicu po totu cussa genti chi tenit abisòngiu de arriciri un'agiudu de parti de personali calificau, in custu tempus de apretu sanidàriu po nexi de sa pandemia Sars-CoV2.
Cunsiderau su momentu stòricu chi seus passendi, innui is acostumàntzias e su stili de vida de is tzitadinus funt mudaus e in prus s'aciungint is pensamentus e sa timoria po sa saludi de onniunu e de cussa de is familliaris, s'Amministratzioni Comunali bolit donai una manu de agiudu bàlidu e cuncretu a totu cussus chi intendint s'abisòngiu de si fai ascurtai e de cumpartziri is sentimentus e is timorias chi tenint.
Su servìtziu at a funtzionai su lunis e sa giòbia de is 9 oras a sa 1 de mangianu tzerriendi a su nùmeru 347/6591411.
Po ndi sciri de prus fait a cuntatai s'Ufìtziu de is Servìtzius Sotzialis a su nùmeru 0783/354528.