Arragorta de firmas progetu de lei de initziativa populari. Normas contras a sa propaganda e spaniadura de messàgius chi bantant su fascismu e nazismu e sa bèndida e produtzioni de ogetus cun sìmbulus fascista e nazistas.
Sa Responsàbili de su Servìtziu Amministrativu fait sciri ca in s'Ufìtziu Anàgrafi ddui est finas a su 21 de martzu de su 2021 s'arragorta de firmas po su progetu de Lei de initziativa populari chi at propostu s'Anàgrafi Natzionali Antifascista cun sea in su Comunu de Stazzema (LU) "Normas contras a sa propaganda e spaniadura de messàgius chi bantant su fascismu e nazismu e sa bèndida e produtzioni de ogetus cun sìmbulus fascista e nazistas" .
Est mellus a castiai su testu de lei propostu in su giassu: www.anagrafeantifascista.it in antis de andai a Comunu, po tanti a firmai s'at a podi andai feti annotendi-sì in antis a telèfonu a su 0783/410888 int. 1 comenti e segundu is mesuras po parai faci a su Corona Virus chi disponit custu Comunu.
ARRIORA, 17/11/2020 Sa Responsàbili de su Servìtziu (DE FAVERI MIRELLA)