Su Ministeru a is Polìticas agrìculas e forestalis at istituiu su Fundu Ristoratzioni de 600 milionis de èurus de imperai po sa còmpora feti de prudutus italianus; is ristoradoris podint domandai su cuntributu po non prus pagu de milli èurus e non prus de 10.000 èurus. Su cuntributu benit giaiu po is còmporas fatas apustis de su 14 de austu 2020 e tzertificadas de sa documentatzioni fiscali.
Podint domandai s'agiudu ristorantis, pitzerias, mensas, servìtzius de catering, is agriturismus, is ospedàgius chi donat cosa de papai e chi tenint unu de custus còdixis Ateco:
- 56.10.11 (ristoratzioni chi giait cosa de papai e bufai)
- 56.29.10(mensas)
- 56.29.20 (catering )
- 56.10.12 (atividadi de ristoratzioni acapiada a sa azienda agrìcula)
- 56.21.00 (catering po cojas, batiaris, e àterus eventus....)
- 55.10.00 (ospedàgius)
Podint atzedi a su fundu is atividadis chi a movi de martzu e finas a làmpadas 2020 ant tentu una smèngua de su faturau de asumancu su 25% de su chi at fatu in is matessis mesis de s'annu ainantis.
Si podit intregai sa domanda in lìnia o a sa Posta a movi de su 15 e finas a su 28 de onnisanti 2020.
In su portali de su Ministeru agatais totu is informatzionis chi pertocant su funtzionamentu de custu Fundu, chi podit fai sa domanda e is àutus chi serbint.