Ant acabbau is traballus po poni in seguresa is firmadas de is corrieras.
Gràtzias a s'agiudu de s'Arst, chi at postu a disponimentu duus oprigus nous cun setzidòrgiu po abetai e su stèrgiu de s'àliga, is operàius comunalis ant incarrerau a ddas poni impari e a ddas pratzai me in is firmadas de sa bia de Leopardi e in sa bia de Rossini.
S'interventu po ddas poni in seguresa est inghitzau a s'acabbu de su mesi de maju, candu totu is firmadas de Crabas e de Solanas ddas ant torradas a lacanai e torradas a pratzai comenti a cussu de sa bia de Leopardi e de sa bia de Rossini. Custa ùrtima, de sèmpiri acanta de unu gruxeri, dda ant trantzida de una dexena de metrus po assegurai s'ampuada e sa calada de sa genti in sa corriera in unu logu prus mannu e sena de tràficu. Finas is atraessamentus ddus ant postus a norma sighendi su còdixi de sa strada..
“Funt interventus chi faint segura e ordinada s'intrada a is corrieras de is tzitadinus chi ònnia dii gosant de is mezus pùblicus po si trantziri a sa tzitadi o chi in s'istadi andat faci a mari - at nau su sìndigu Andrea Abis -. Pratzendi is oprigus s'assegurat unu s'oprigu abetendi po su prus po s'àcua proina. Pedeus a s'ARST de acabbai s'interventu assumancu cun un'àteru oprigu de poni in Solanas".