De Sardegnacultura.it
A su contras de su chi si narat, sa literadura in sardu chi s'ìsula at espressadu in su tempus est arrica
de òperas e autoris. Est craru ca sa produtzioni literaria de una lìngua e una curtura de minoria non si podit acostai a cussa de unu grandu stadu.
Su fueddu "literadura", segundu is istùdius modernus, tenit su sentidu de scritura o produtzioni de
òperas culturalis chi òcupant spàtzius non traditzionalis comenti a autus giurìdicus, costitutzionis polìticas, poesias e òperas cun punnas de divulgamentu chi imperànt sa lìngua sarda po
comunicai mellus cun su pòpulu.
Sartada sa fasi de s'edadi de mesu bella meda po sa lìngua sarda , a s'incras de sa derruta de su rènniu
de Arborea, manchendi unu tzentru polìticu indipendenti, is lìnguas de domìniu (catalano, castillianu e italianu) pigànt su rolu de lìnguas ufitzialis e beniant arricidas de sa classi dirigenti
de s'ìsula. Sa lìngua sarda duncas, dda imperànt feti is cantadoris chi incumentzànt una grandu traditzioni poètica a boxi e is iscritoris.
In is sèculus is intelletualis sardus prus acanta a su pòpulu( prusatotu òminis de crèsia) iant circau de
fai normali s'impreu scritu de su sardu. Unu traballu chi at lassau testimònius finas a oi, giai chi gràtzias a una cussièntzia linguìstica noba, eus biu sa nàscida de sa prosa
in lìngua sarda.
in is diis chi benint eus a fueddai de sa literadura in sardu, partzendi-dda sighendi is sèculus.