S' Antiquarium Arborense nou, abertu in su mesi de martzu 2016, est costituiu de sa colletzioni archeològica de s'abogau Pischedda, comporada de su Comuni de Aristanis in su 1938,e introdùsia in s'àmbitu curturali de s'archeologia mediterrànea e de s'orienti acanta de s'acabbu de s' ’800.
Su Museu si spainat in duus pranus:
- Pranu terra:un aposentu cun “S'arena de su tempus” e su museu de s'aprapidu inui agataus is repertus de su museu e de su patrimòniu curturali de sa tzitadi, torraus a fai e duncas chi fait a ddus tocai.
- Segundu Pranu:su de duus aposentus cun “Sa famìllia de s'anticuàriu”, una sala didàtica, una po is ammostas a tempus e s'aposentu de is retàulus cun òperas de grandu importu comenti a su retàulu de Santu Martinu (su de XV sec.) su retàulu de su Santu Cristu (1533), e su retàulu de Nostra Sennora de is Consilleris (1565).
In prus a su primu pranu si podit gosai de sa bellesa de su plàsticu de sa tzitadi de Tharros in su de IV secolo d.C. e de su plàsticu de sa tzitadi de Aristanis in su periodu de is Giudicaus (su de XIV sec. ), candu a amparai sa tzitadi ddui fuant murallas mannas mannas.
In su Museu ddui at finas ainas digitalis pretzisas, comenti a una muralla interativa chi fait a tocai cun pinturas stereoscòpicas e modellus 3D cun sa funtzionalidadi de sa realtadi ammanniada e una mesa interativa cun giogus chi faint po personis de ònnia edadi.