Su Comuni de Aristanis at aprovau is elencus provisòrius de is istàntzias chi ant amìtiu e lassadas a foras de is Bonus Ìdricus de apretu segundu a is critèrius chi sa EGAS at scerau cun regulamentu aposta.
Is interessaus ant a podi apurai s’èsitu de is istàntzias insoru e simmai is arraxonis po chi ddus ant lassaus a foras impreendi su nùmeru de protocollu assotziau a s’intregu de sa dimanda.
Is elencus provisòrius, comenti de regulamentu EGAS, s’ant a publicai 7 diis, finas a su 16/11/2020, tèrmini aintru de chi is interesseus ant a podi intregai annotas e/o recursus avatu a sa richiesta insoru, cun istàntzia aposta a su protocollu de su Comuni cun custas maneras:
a) a manu a s’Ufìtziu Protocollu de su Comuni de Aristanis – Pratza de Eleonora de Arborea, 44;
b) a posta eletrònica certificada a s’indiritzu: istituzionale@pec.comune.oristano.it;
c) a arracumandada A/R de mandai a su Comuni de Aristanis, Pratza de E. de Arborea n. 44 – 09170 – Aristano (impreendi custu modu de intregai, no at a balli sa data de sa speditzioni sua).
Acontessendi de no arribai aintru de su tèrmini de su 16/11/2020 annotas e/o recursus, s’elencu provisòriu de is amìtius s’at a fai definitivu.
Po informus e crarimentus si podit cuntatai su Comuni de Aristanis, a Alessandro Murtas a su tel. 0783/791291, indiritzu de posta eletrònica: alessandro.murtas@comune.oristano.it
Su Bonu ìdricu de apretu est un’arrimbursu tarifàriu po nùcleus familliaris chi funt in cunditzionis sòtziu-econòmicas malas feti po nexi de is mesuras po poni frenu a s’apretu sanidàriu de su Covid-19. S’importu de su Bonu chi spetat a ònnia benefitziàriu est paris a 50 èurus a cadaunu de is chi cumponint su nùcleu familliari.
Su Bonu est po nùcleus familliaris de impitu deretu o po is chi tenint residèntzia in un’impitu inderetu po usu domèsticu residendi cun residèntzia in su Comuni de Aristanis, cun cuntratu de frunidura de su servìtziu ìdricu integrau (Abbanoa Spa), un’inditadori ISEE de immui chi non sartat is 15 milla èurus o chi non sartat is 20 milla èurus cun nùcleus assumancu de tres fillus a càrrigu e siant in cunditzionis econòmicas malas po nexi de sa suspensioni/amenguamentu de su traballu ponendi in menti a is mesuras po poni frenu a sa spaniadura de su virus Covid-19.