Nova de linkoristano.it
Torrat a domu sua apustis de seti mesis de spidali. Arricoverada po mori de su coronavirus, una fèmina de Santa Justa dd'ant dimìtia in is diis passadas.
Dd'at nau sàbudu su sìndigu Andrea Casu, sa sennora est immoi negativa a su virus.
“Apustis de tempus meda, seti mesis de spidali, seus prexaus meda de fai sciri ca una compaesana nosta est fiamenti sanada de su Covid-19”, at nau su sìndigu Casu.
Sa sennora dd'iant arricoverada in Casteddu in beranu e a s'acabbu de s'istadi dd'iant dimìtia una primu borta. Sa saludi sua peroa s'est impiorada torra in is diis afatantis, narant de su Comuni, e at tocau a dda torrai a arricoverai, po ndi bessiri de sa maladia in totu in su mesi de onnisanti.