Sigheus a si presentai unus cantu lìburus apitzus a sa lìngua sarda.
Oi fueddaus de su lìburu de Michele Contini, docenti de Fonètica e Geolinguistica a
s'Universidadi de Grenoble, e chi est destinau a is piciocus sardus, contendi sa lìngua sarda, is variedadis suas e s'imperu chi si ndi fait e rapresentendi una aina vàlida po agatai una manera
de arrecuperai custa lìngua.
A sa Presentatzioni de Giovanni Lilliu, sighint seti capìtulus: 1. Su sardu in is
lìnguas romanzas 2. Comenti est nàsciu su sardu?, 3. Unu sardu feti o una variedadi de sardu feti 4. Poita non si fueddat unu sardu feti? 5. Fueddai su sardu,
6. Scriri su sardu, 7. Su sardu sa segundu lìngua ufitziali de sa Sardìnnia.
Su lìburu acabbat cun una antologia pitichedda de testus in prosa e in poesia de unus cantu autoris sardus: Michelangelo Pira, Serafino
Spiaggia, Antonio Mura, Forico Secchi, Nenardu Sole, Antonio Cossu, Mario Vargiu, ecc.
Su volùmini cuntennit finas is pinturas de Stefano Pani.