S'Assessorau regionali de s'Istrutzioni Pùblica at publicau s'avisu "(Si torna) Tutti a Iscola" po s'annu scolàsticu 2020/2021, deretu a is Autonomias Scolàsticas statalis e a is Scolas non statalis paritàrias de Sardigna chi podint pigai parti a solus o a manera assotziada in Arretza.
Is lìnias de interventu funt tres, sa de sa B, Lìnia Lìngua sarda, est impunnada a sperimentai una manera noba de interventu po fai mellus s'oferta formativa curriculari e foras de su curriculari, ponendi in contu un'atzioni sperimentali po amparai, donai balori e spaniai is lìnguas de minoria chi si chistionant in Sardigna, su Sardu, su Cadalanu de S'Alighera e is variedadi alloglotas tataresu, gadduresu e tabarchinu, cun s'agiudu de s'imparu e de s'impreu veiculari de is lìnguas de minoria e fadendi laboratòrius didàticus foras de su curriculari.
Destinatàriu de s'interventu funt is studentis, chi ddus scerant is Istitutzionis scolàsticas de anca faint parti e in mesu a totu a is alunnus:
- chi tenint fartas de connoscèntzia de una o prus disciplinas de preni po sighiri cun profetus sa carrera de is stùdius;
- cun dificultadi de si poni apari e de s'integrai cun is àterus studentis;
- chi ndi arribant de famìlias cun problemàticas de natura sotziali e/o econòmica;
- cun disabilidadi o cun strobbus aposta de s'imparu.
Totu is paperis po si candidai s'ant a depi mandai movendi de sa ora de is 10.00 de mangianu de su 23 de onniasantu de su 2020 finas a is 10.00 de mangianu de su 9 de su mesi de idas de su 2020 feti a manera telemàtica in sa piataforma in lìnia "Sil Sardegna".