Nova de linkoristano.it
In Siamajore puru sunt arribaus a su cuorum de su 50% de votantis. Davide Dessì, ùnicu candidau cun sa lista " Impìnniu comuni po Siamajore e Pardu Nou”, est su sìndigu nou biu ca non sunt arresultadas in su spòlliu schedas biancas mada.
Siamajore tenit duncas una amministratzioni comunali elìgia de is tzitadinus, apustis de unu annu de comissariamentu in segus a is dimissionis de sa sìndiga Anita Pili, chi tenit immoi s'incàrrigu de assessora regionali a s'Indùstria.
Davide Dessì tenit 34 annus e est unu consulenti commertziali; est stètiu assessori in s'ùrtimu mandau de su sìndigu Pili. E pròpiu s'assessora regionali a s'Indùstria at fatu is augùrius a Dessì po “una legisladura arrica de afàstius”.