Domanda po scrutadori de sègiu
Totus is eletoris de su Comunu de Crabas chi non sunt scritus a s'Albu de is personis idòneas a s’Ufìtziu de scrutadori de sègiu, podint fai sa dimanda intra de su 30 de onnisanti de onni annu.
Tocat a:
1. Èssiri tzitadinus italianus
2. Èssiri eletoris de su Comunu
3. Ai fatu sa scola mèdia
Non podit fai su scrutadoris chini:
• tenit prus de 70 annus
• est dipendenti de su Ministeru de s’Internu, de is postas e telecomunicatzionis e trasportus;
• fait parti de is fortzas armadas
• est dotori provintziali, ufitziali sanitàriu o dotori de famìllia
• est segretàriu comunali o dipendenti comunali chi fait servìtziu in s’ufìtziu eletorali.
Is chi sunt giai scritus non depint torrai a fai sa domanda
Is chi si ndi bolint scancellai de s'Albu depint intregai sa dimanda intra de su 30 de onnisanti de onni annu.
Tocat a intregai sa domanda a manu a s’ufìtziu de su Protocollu de su lunis a su cenàbura de is 10 de mangianu a mesudì o a mesu pec a custu indiritzu de posta eletrònica: protocollo@pec.comune.cabras.or.it