Po su 2021 su Comunu de Aristanis at a rennovai po unu annu is cuntzessionis de is fràigus comunalis.
S'amministratzioni at pigau custa detzisioni cunsiderendi ca is assòtzius chi ant tentu in afidamentu is localis comunalis in su 2020, po mori de s'emergèntzia sanitària e de is normas po cuntènniri s'ispainadura de su coronavirus, no ant gosau a prenu de is fràigus cuntzèdius, po bona parti de s'annu.
Su comunu duncas, arricidas is istàntzias de rennovu intregadas de is assòtzius e sighendi su cuadru normàtivu, at detzìdiu de cuntzedi is fràigus comunalis po unu àteru annu.
Po àteras informatzionis si podit cuntatai su Servìtziu Patrimòniu (Alessandro Aru e Giorgio Vacca), telèfunu 0783 791340, e-mail alessandro.aru@comune.oristano.it e giorgio.vacca@comune.oristano.it.