De Crabas arribant novas bonas po s'emergèntzia coronavirus. “In is ùrtimas 15 diis eus tentu genti meda chi est sanada e oi teneus feti 11 positivus , tres acanta a sanai”, fait sciri su sìndigu Andrea Abis. “De s'acabbu de austu a oi eus tentu feti unu casu grai ma immoi est totu a postu”.
Su sìndigu arregordat s'ausèntzia de contàgius in scola ma cumbidat a abarrai atentus. “Is datus si faint pensai beni”, narat Abis, “spereus de non tenni prus contàgius meda comenti est sutzèdiu a s'acabu de cabudani. Meda at a dipendi de comenti si cumportaus”. Si oi in Crabas s'emergèntzia sanitària est cutrollada beni, non si ndi scaresceus de sa timoria de is diis passadas: “Eus tentu 35 positivus totu in una borta, narat su sìndigu. ”
Sìndigus meda sunt cumbidendi is tzitadinus a abarrai in domu, e a bessiri feti po netzessidadi. Abis giait unu inditu diversu. " Circhei de non s'avilessi, si est possìbili non si serreis in domu a imbeciai su corpus e su spìritu ma bessei arrespetendi is arrègulas, fadendi su chi si podit fai e amparendi in antzianus chi sunt is prus dèbilis".