Nova liada de linkoristano.it
Su Sìndigu nou Andrea Casu at fatu sa Giunta noba de Santa Justa. Su vice sìndigu at a èssiri Pietro Paolo Erbì, carabineri in pensioni; a issu ant giau finas is assessoraus a is servìtzius sotzialis, a su personali e a is traballus pùblicus. Federico Salaris de 27 annus s'at a ocupai de Ambienti e Decoru urbanu.
A cumpletai sa Giunta Elena Cossu, laureada in Scièntzias polìticas chi s'at a ocupai de pisca, istrutzioni pùblica e curtura e su tècnicu chìmicu biòlugu Rita Corrias, chi invècias at a tènniri dèlega a su Sport.
Su consillu comunali est cunvocau in setziada straordinària cenàbura 6 de onnisanti a is 5 de merì.
Su sìndigu Casu at a fai su giuramentu e at a nomonai sa Giunta a manera ufitziali. S'ant a fai in prus is Grupus Consillaris.