Imprenditoris nous e energias nobas in sa retza po su territòriu de Aristanis in sa Green and Blue economy. Est su tìtulu de s'eventu de acabbu de is progetus " Promovi sa tzitadi digitali" chi s'at a fai giòbia 12 de onnisanti de is 10 a sa una de mangianu.
Is progetus finantziaus de su POR Sardegna FSE 2014-2020 e de su FESR ddus at realizaus unu agrupamentu territoriali fatu de s'agentzia Ifold (istitutu formatzioni traballu fèminas) comenti a enti capufilera de su comuni de Aristanis e cun s'agiudu tècnicu de sa sotziedadi Poliste.
Su progetu at tentu sa punna de cuncordai atzionis de formatzioni po afortiai is cumpetèntzias de is destinatàrius e ndi favoressi s'atzessu a su mundu de su traballu e ddus agiudai a fai impresa.
Su sìndigu Andrea Lutzu at a aberri s'atòbiu cun is saludus istitutzionalis; ant a sighiri is interventus de s’Assessori a s’Ambienti Gianfranco Licheri, s'assessori a su bilàntziu Angelo Angioi, de su Diretori de su bancu de Sardìnnia Cuccurese, de sa Dirigenti de su setori programmatzioni e gestioni de is resursas de su comuni de Aristanis Rimedia Chergia e de sa Diretora de s’Ifold Mariolina Fusco.
Sa primu parti de s'interventu est dedicada a is “percursus d formatzioni po tzertificai is cumpetèntzias e fai una impresa", at a introdusi is traballus Marta Cadinu de Ifold.
In sa de tres partis s'at a fueddai de:
1) ”Oportunidadis po su start up de impresa e su svilupu de s'ocupatzioni in su territòriu aristanesu”.
2) “Abarru in su sud – agiudus de Invitalia po sustenni atividadis imprenditorialis nobas in su tzentru Itàlia.
3) “Favoressi s'ocupatzioni in Sardìnnia cun s'agiudu de su FSE “.
A serrai is traballus at a èssiri s’Assessora a su traballu de sa Regioni Sardìnnia, Alessandra Zedda.
S'eventu at a èssiri in lìnia in sa prataforma Zoom – po arriciri is credentzialis tocat a s'arregistrai intra de mèrcuris 11 de onnisanti a su link https://zoom.us/meeting/register/tJYrd-iprj4vHtVgOYXvpZY4KMxnu6ld5oIc
Si podit intrai in deretura ponendi custu còdixis: ID riunione: 926 0110 5541 – Passcode: 057581
Po informatzionis e assistèntzia si podit comunicai cun su setori informàticu de su Comuni de Aristanis 0783.791471 – e mail emiliano.sanna@comune.oristano.it, o cun su Servìtziu Svilupu e programmatzioni stratègica de su Comuni de Aristanis cell/whatsapp 340.9115721; 347.5402758 - email europaincomune@comune.oristano.it